Psikologia sistemikoa · Zarautz
«Sentitzen den lehen bulkada alde batera utziz, pausa bat egitearen gaitasuna ikaskuntza erabakigarri bilakatu da egunerokotasunerako.»
Zure historia ezagutzea gustatuko litzaiguke, lagundu ahal izateko.
Zerbitzuak
Terapia indibiduala
Zuri gertatzen zaizuna ulertzeko eta baliabide propioak aurkitzeko gunea: antsietatea, aldartea, emozioen erregulazioa edo aldaketa-uneak. Nerabe, heldu eta adinekoentzat.
Bikote-terapia
Ikuspegi sistemikotik, bikoteak bizi duen unea argitzen, komunikazioa hobetzen eta bi aldeak kontuan hartzen dituzten akordioak bilatzen laguntzen dugu.
Familia-terapia
Familian sintoma edo gatazka bat agertzen denean, ikuspegi sistemikoak zer gertatzen den ulertzen eta harremanetarako moduan aldaketak sortzen laguntzen du.
Dolua eta galerak
Dolu bakoitza bakarra da. Maite dugun norbaiten galera eta beste galera esanguratsu batzuk laguntzen ditugu, pertsona bakoitzaren erritmoa errespetatuz, banaka edo taldean.
Trauma eta genero-indarkeria
Indarkeria bizi izan duten emakumeei eta esperientzia traumatikoak dituzten pertsonei laguntza espezializatua, segurtasunetik, emozioen erregulaziotik eta loturen zaintzatik.
Aniztasun sexuala eta genero-aniztasuna (LGTBIQ+)
Ikuspegi afirmatibotik egindako terapia, antsietatea, depresioa edo aldaketa eta berrikuntza pertsonaleko prozesuak bizi dituzten LGTBIQ+ pertsonentzat.
Haurren hazkuntza eta gurasotasuna
Amei eta aitei hazkuntzako zalantza eta zailtasunetan laguntzen diegu, hura bizitzeko modu bakarra ez dagoela ulertzen duen begirada errespetuzko batetik.
Talde-terapia
Psikologo batek gidatutako topaguneak, antzeko egoera bizi duten pertsonekin esperientziak partekatzeko: dolu-taldeak, guraso-taldeak, emakume-taldeak…
Prestakuntza eta tailerrak
Doluari buruzko hitzaldiak, guraso-tailerrak, emakumeentzako bizipen-tailerrak eta psikologiari buruzko hitzaldiak ikastetxe eta erakundeentzat.
Filosofia
Pausaren esentzia, aurrera jarraitzea oztopatzen digun hori gainditzeko, geratu egin behar dugunaren ideian oinarritzen da, geratu, hausnartzeko denbora hartu, identifikatu, integratu eta aldatu.
Pausan pertsonak inguratzen dituen guzti horretan ulertzen ditugu, familia, lana, gizartea, kultura, eta sistema ikuspegi zabal honekin lan egiten dugu (eredu sistemikoa). Hau horrela, guzti honek gure bizitzan daukan eraginaren inguruan lanketa egiten dugu, hor egongo baita kontsultara ekarri gaituen zergaitiaren gakoa.
PAUSA psikologia, egunerokotasuna gustura eramatea oztopatzen dizuten alderdi hoiek hobetzeko leku bat da. Horren presente dauden antsietatea, depresioa, insomnioa, estresa… bezalako gaiak, baita dolu prozesuak, banaketa, traumak… ondoeza sortzeaz gaina askotan aurrera egitea ezinezko egiten duten hauek.
Nortzuk gara
Irune Aranguren Barragan
Psikologoa · Pausaren zuzendari eta sortzailea
Elkargokide-zenbakia: GZ01989
Irune Aranguren Barragan, Psikologian lizentziatua (Elkargokide znb. GZ01989) eta familia zein bikote terapia sistemikoan espezializatua (EVNTF). Doluan formakuntza duena IPIR-en eskutik eta urte askotako esperientziaduna familia, bikote eta drogomenpekotasunen alorretan. Egun, galera eta dolu prozesuetan oso inplikatua.
Pausaren zuzendari eta sortzailea da, eta hamar urtetik gorako esperientzia du pertsonei beren bizi- eta harreman-prozesuetan laguntzen. Psikologia begirada sakonki erlazional batetik ulertzen du: ez gara izaki isolatuak, gure loturen, gure historiaren eta bizi garen testuinguruen bidez eraikitzen eta eraldatzen gara.
Doluari eskaintzen dion arreta galera pertsonal esanguratsu batetik ere jaio zen; esperientzia horrek erakutsi zion mina errespetuz eta presarik gabe igarotzeko guneak izatea zein garrantzitsua den. Amatasunak, gainera, hazkuntzaren eta gurasotasunaren mundura hurbildu du, eta begirada errespetuzko batetik laguntzen ditu familiak, hazkuntza bizitzeko modu bakar bat ez dagoela ulertuta. Pausan konfiantzazko eta entzutezko gune bat eskaini nahi du, non gelditu, gertatzen zaiguna ulertu eta aurrera jarraitzeko modu berriak aurki ditzakegun.
Nagore Calero Taboada
Osasun psikologoa · Genero-indarkeria eta trauma
Elkargokide-zenbakia: GZ02475
Nagore genero-indarkerian eta trauman espezializatutako osasun psikologoa da. Emozioetan, erregulazioan, loturetan eta traumaren ulermenean oinarritutako ikuspegi integratzaile batetik lan egiten du.
Ondoeza, sentitzen dugunarekin ez ezik, gure emozioekin, geure buruarekin eta besteekin erlazionatzen ikasi dugun moduarekin ere zerikusia duela ulertzen du. Terapian, gaur egun gertatzen ari zaigun horri arreta emateaz gain, gure historia, harreman-zauriak, eta geure burua babesteko ikasi ditugun moduak ere aztertzen ditu.
Prozesu bakoitza pertsonara eta bere erritmora egokitzen du, egunerokoan baliagarriak izan daitezkeen baliabideak elkarrekin bilatuz. Helburua ez da emozioak ezabatzea, haiekin egoten ikastea baizik, gainezka egin gabe.
Amaia Domínguez Maqueda
Osasun psikologo orokorra · Dolua eta trauma emozionala
Elkargokide-zenbakia: GZ03428
Amaia osasun psikologo orokorra da. Bere ibilbidean zehar, bereziki adinekoen arloarekin lotuta egon da: egoiliarrei eta senideei lagundu die estimulazio kognitiboko tailerren eta balorazio eta txosten psikologikoen bidez, baita beren prozesuen une desberdinetan babesa eskainiz ere.
Gaur egun, psikologia klinikoan jartzen du arreta profesionala, bereziki doluan eta trauma emozionalean. Psikoterapian nerabeei, helduei eta adinekoei laguntzen die, esku-hartzea pertsona bakoitzaren beharretara egokituz, ikuspegi hurbil, errespetuzko eta ebidentzian oinarritutako batetik.
Terapia testuinguralekiko interes berezia ere badu, hala nola Onarpen eta Konpromiso Terapiarekiko (ACT), malgutasun psikologikoan oinarritutako ikuspegi batetik. Bere helburua ez da ondoeza murriztea soilik, baizik eta hura ulertzen eta harekin modu malguagoan eta pertsona bakoitzarentzat garrantzitsua denarekin bat etorriz erlazionatzen laguntzea.
Aitor Ibarguren Balenciaga
Osasun Psikologo Orokorra
Elkargokide-zenbakia: GZ03568
Aitor Osasun Psikologo Orokorra da, eta pertsona bakoitzaren historia bere testuinguruan ulertzea du abiapuntu.
Bere jardunean, LGTBIQ+ pertsonen antsietatea eta depresioa, bizi-trantsizioetan aurkitzen diren pertsonak eta krisialdian dauden harreman ezberdinak lantzen ditu.
Baieztatzeko ikuspegitik eta gizarte-faktoreak kontuan hartzen dituen ikusmolde batetik egiten du lan. Bere ustez, terapia ez da ondoeza arintzeko espazio bat bakarrik, norberaren desioekin berriz aurkitzeko, identitatea sendotzeko eta historia pertsonala kontzientziaz, koherentziaz eta konpasioz berreraikitzeko aukera ere bada.